السلام عليكم

أنا مرشده جديده وللاسف ماتوقعت انه بهذي الصعوبه والمسؤليه

اتمنى تقرأون الكلام عشان تساعدونى فى حلها ياللى متخصص او مر عليه زيها مشكله

مالكم بالطويله 0000

بنت من الصف الخامس للاسف كشفوها زميلاتها مع بنتين علىحسب وصفهم(( يلعبون لعبه ))

غير اخلاقيه للابد0000

واعترفوا البنات واكتشفت منهم انها المره الثانيه يعيدونها هذاالترم

والترم الاول انكشفوا مع المرشده الاولى اللى قبلى

والمشكله ياجماعة الخير انى مع الصدمه احس انى تصرفت تصرف مانى راضيه عنه

تكلمت فى الاخير مع البنت صاحبة اللعبه واهي اكبر اخوانها واستغربت تصرفها وقلت لها انتى شفت احد يتصرف كذا ؟؟

قالت ايوه بنات عمي وحده فى اول متوسط والثانيه اختهافى الثانويه مع بنت تقرب لهم

شافتهم وبعدين اعترفوا لها وقالوا لاتعلمين 000

انا ماادري وش جاني من الصدمه حسيت انى فى حلم مو علم

المهم قلت لهم بتصل على امهاتكم وصاروا يبكون وقلت لهم فى الاخير خلاص انا

بسامحكم المره ذي لكن المره الثالثه لو تكررت خلاص بعلم امهاتكم ومنعتهم من الجلوس والكلام مع بعض وفرقت بينهم فى الفصل وجلست البنت لوحدها

وقلت لهم انى محطيه مراقبه سريه لكل وحده الين المتوسط تطلع معاها تراقبها حتى فى الحمامات

وصرفت جميع البنات وتكلمت مع البنت هذيك لحالها وقلت لها انى بكون جنبك وبكون امك واختك

ولو تبغي تكلمينى فى اي موضوع ولو شفتي اي شى قولى لى وحاولت اقنعها لو شافت بنات عمها

تعلم عنهم وقالت صعبه مااقدر وحسيت انى محتاره مانى عارفه اتصرف وانتهى الموضوع

وانا نفسيتى مره تعبانه من كثر التفكير ووعدت البنت انها لو قالت لى كل شى مااعلم اهلها ولا احد من المدرسه

وانا مره افكر فيها وش يضمن لي انها لو راحت عند اهل عمها مابتحرشون فيها

او تتعلم منهم وتطبق برا المدرسه انا مانى واثقه فيها ابد

وكمان ماابغى اهز ثقتها فينى

من جد محتاره محتاره من جد وتعبانه

وأسألكم بالله احد يقولى برأي سديد ويعلمنى وش الحل فى ذا الموضوع وهل انا تصرفت صح؟؟

لانها وعدتنى انها تتوب بس مابصدقها لانها قالتها اول وعادتها

اتمنى تفيدونى وانشاء الله القى الحل عندكم يارب :(

همسه

وعليكم السلام ورحمة الله وبركاته

طيب أخية ما تقدرين تشغلينها أو بمعنى أصح تكلفينها بأعمال تسويها وتشجعينها عليها .. وتخلين المعلمات أيضا يكلفونها بأي عمل لو كان بسيط جدا احضار كلمة للإذاعة مثلا ...أو رسم لوحة فنية بأي مناسبة ( المرور - الجنادرية .... الخ ) مع احضار الأدوات لها ..

تكلفها معلمتها مثلا بتلخيص قصة معينة أو أي شيء بخاطرك ..
وتكرمينها عليها سواء انت والا المعلمات قدام زميلاتها .. بس عشان تنشغل الطالبة وشوي شوي وتكسب ثقتك وتقرب منك أكثر ...


أنا لست متخصصة بالإرشاد لكن لعل الزميلات يفيدونك ..
ذكرتيني مرة فتشنا على الطالبات وأنا كنت شاكة ان معهم مصيبة ما لقينا شيء ... قلت أنا حاسة ان معهم شيء .. لأني شفت وحدة من الطالبات كانت واقفة عند بعض الأشجار بالحوش أثناء خروج الطالبات من المدرسة قلت لزميلاتي أنا بروح أقف عد الشجرة وكان يوم اربعاء ..

المهم ظليت عند الشجرة بس بعيدة عنها شوي الطالبات ما شافوني جو للشجرة من الجهة الأخرى وجلست اثنتين منها تفتش جو الشجرة وناديت وحدة منهن شافتني وهربت بتركب الباص .. جيت عند الشجرة أفتشها لقيت مجموعة من السيديات ، الطالبة ما مداها تأخذها لأنها شافتني وزميلاتها بالباص ينتظرونها ...


فتحنا السيديات ياسلام عليها لقينا البلاوي وقلة الأدب والحياء من عري وقبلات وغيره .... انصرعت أنا بس جا يوم السبت وخليتهم ما يسون التالية من الغنم وكل وحدة تتعذر انه من هي اللي جابت الإسطوانات ...

انتهت الحكاية طولت عليك .. اعذريني

وفقك الله لكل خير .. وأعانك على تحمل مسؤولية الطالبات ومشكلاتهن

معقول بناتنا وصلوا لهذه الدرجة

على العموم انا ارى انك تتصلي بأمها وتخبريها بالقصه مع أخذ وعد منها بان لا تتكلم معها في الموضوع

ولكن تبعدها عن بنات عمها قدر الامكان وتراقبها من دون ان تحس لتعرفي هل هي صادقة ام كاذبة

والله يعينك ..................... انا كنت احسب قلة الادب في مدارس الاولاد اثر المرض منتشر

حصلت معانا مثل هذا السلوك ولكن بقيام الطالبة برسم رسومات توضيحية لما يحدث بين الزوج وزوجته


بالبطع على الفور كلمتني المعلمة وحلفتها بلأ تخبر أحد في الموضوع ولا تفشي سر الطالبة

المهم على الفور إستدعيت الأم فكانت مثال للأم التي تخاف الله تعالى فأخبرتها بما حدث صعقت الأم وقالت والله

حتى بيتي خالي من الدشوش والقنوات الفضائة ما عدا قنوات المجد

حاورتها وأحضرت وأعترفت أمام أمها ثم طلبت منها مغادرةالإدارة فتحدث مع الأم بكل شفافية

وإحترام وطلبت منها ألا تعنف الطالبة بل تعالج الموضوع بروية وتضع يدها بأيدينا لكي يستقيم سلوكها

المهم تعونا أنا والأم فالحمد لله تحولت الطالبة مئه وثمانون درجة فلم تمضي السنة حتى أستقام حالها

و أصبحت هادئه ثم أصبحت أتابعها في المتوسطة فسمعت عنها ما أثلج صدري

وحمد الله على أن وفقني ووالدتها لتدارك الموضوع وحل مشكلتها

فأعاننا الله و إياك على تحمل بناتنا وحل مشكلاتهن بأساليب تربوية ترافقها روح الأمومة الصادقة

بعد السلام والتحية مساء الخير ....
أنا تربوية معلمة لغة انجليزية حديثة عهد ....
حبيت أشاركك برأيي وهو أن طالبة بالصف الخامس تلعب لعبة " غير أخلاقية "فهذا وضع مرة مو طبيعي
وكمان بنات عمها بيلعبوها !!! يعني اللعبة في العيلة دايرة مع احترامي لعائلتها
وأنا لو مكانك عزيزتي فهذا موضوع ما ينسكت عنه ولازم أهلها يعرفوا بما أنها المرة التانية اللي بتنصاد فيها بالجرم المشهود !!!
انتي تصرفك لم الموضوع بس ما اتوقع انه راح يحجم الطالبة عن فعلتها المذمومة !!!
ممكن عزيزتي انك تخبري والدتها او ولية أمرها ويكون الموضوع بينكم سري يصير انتي دورك في المدرسة وكمان البنت تلقى أحد يكمل دورك في البيت .
ولا تنسي عزيزتي انها في سن يسمح لمربيها أن يشكلها حسبما يشاء
تحياتي / وأتمنى لكي التوفيق في مهمتك السامية

عزيزتي انك تخبري والدتها او ولية أمرها ويكون الموضوع بينكم سري يصير انتي دورك في المدرسة وكمان البنت تلقى أحد يكمل دورك في البيت .
ولا تنسي عزيزتي انها في سن يسمح لمربيها أن يشكلها حسبما يشاء

من حيث متابعتي المستمرة للطالبات بدأت بكوني معلمة ثم مساعدة ثم مشرفة تربوية أحب أقولك إنك تدرجت مع الطالبة بدء من الإجتماع بها ومناقشتها ومصارحتها لك وكتمت سرها ولكن ألم يكن الأجدر ـوجيهها لمسؤلة التوعية ال‘سلامية بالمدرسة تتوسمين فيها الخير وكتم السر لتوجيهها دينيآ لعل ذلك يكون عونآ لها مع دورك الإرشادي مع ضرورة إستدعاء والدتها بدون علم الطالبة والتأكد من تقبلها لذلك وعدم توجيه الإتهام لكم ومناقشتها بهدوء يضرورة متابعة إبنتها وعدم إختلاطها بمن هن أكبر منها سنآ ومراقبة تصرفاتهن إذا مابعدنا عنها مع ضرورة الإستمرار في متابعتها في المدرسة إرشاديآ ودينيآ وإشغالها بأعمال تشعرها بالثقة بالنفس والله معك خير معين .....هذا رأي وشكرآ